Ковчег с частицами мощей священномученика Климента, папы Римского, великомученицы Евфимии Всехвальной и блаженного Василия Московского, Христа ради юродивого
Ковчег для частиц мощей священномученика Климента, Папы Римского, великомученицы Евфимии Всехвальной и блаженной Василия Московского, Христа ради юродивого, был пожертвован храму его алтарником к Татьянину дню 25 января 2025 года.
Святыня находится в алтаре верхнего храма с правой стороны.
Дни памяти: сщмч. Климента – 8 декабря, вмц. Евфимии – 24 июля, 29 сентября, блж. Василия – 15 августа
Тропарь священномученику Клименту, глас 4
Иже от Бога чудодействы преславно удивляя вселенныя концы мира, священный страдальче, паче естества морю, составы водам содеваеши разделение в честней памяти твоей всегда притекающим усердно в Богозданную ти церковь, чудесным твоим мощем, и по всенародном хождении море во едино течение чудодетельне твориши, Клименте предивный, моли Христа Бога, спастися душам нашим.
Кондак священномученику Клименту, глас 2
Божественнаго винограда священноодеянна всем лоза явися, каплющи сладость премудрости, молитвами твоими, всечестне, да тебе исткану яко багряницу, песнь мысленную принесем, Клименте святе: спаси рабы твоя.
Молитва священномученику Клименту
О великий чудотворче, священномучениче Клименте! Приклонися ныне к нашим воздыханием сердечным и помози нам во временном житии сем творити вся в законе Божии предложенная, всякаго же греха отметатися. Ты, великий подвижниче, от юности твоея клеветы претерпевый, многия же болезни душевныя и труды понесый, помолися ко Господу Богу о нас, грешных и недостойных рабех Божиих (имена), да твоим предстательством и заступлением подаст Всеблагий и нам, грешным, силу и крепость во благодушии претерпевати клеветы человеческия и яже на земли скорби и сохранити заповеди Его, да прославим пречестное и великолепое имя Господа Бога и Его благодать, данную тебе, во веки веков. Аминь.
Величание священномученику Клименту
Величаем тя, святый священномучениче Клименте, и чтим честная страдания твоя, яже за Христа претерпел еси.
Тропарь великомученице Евфимии, глас 4
Жениха твоего Христа возлюбивши, и свещу твою светло уготовльши, добродетельми возсиявши, всехвальная Евфимие, тем возшла еси с Ним на брак, венец страдания от Него приемши. Но от бед избави нас, чтущих верою память твою.
Кондак великомученице Евфимии, глас 6
Подвиги во страдальчестве, подвиги в вере положила еси тепле за Христа, Жениха твоего. Но и ныне якоже ереси, и врагов шатание под ноги воинству нашему покорити моли Богородицею, яже от шестисот тридесяти Богоносных отец предел приемшая, и хранящая, всехвальная.
Молитва великомученице Евфимии
О, святая всехвальная Евфимие, дево непорочная и великомученице преславная, истинная невеста Христова, нам в защищение Господом данная, услыши ныне моления наша, тебе с любовию приносимыя. Данною тебе от Бога благодатию, помози нам, немощным и убогим, поприще жития сего многотруднаго и многоскорбнаго безбоязненно преити, да возможем, яко же и ты, не устрашатися козней врага злохитростнаго, на ны воздвигаемых и душы наша погубити хотящаго. Принеси Господу нашему Сладчайшему Иисусу Христу смиренное моление наше и умоли Его даровати нам крепость и силу, терпение и смирение, да ими возможем врага превозмогати и Господа нашего неустанно прославляти, с Ним же и Небеснаго Отца и Святаго Духа и ныне и присно и во веки веков. Аминь.
Величание великомученице Евфимии
Величаем тя, страстотерпице Христова, и чтим честная страдания твоя, яже за Христа претерпела еси.
Тропарь блаженному Василию, глас 8
Житие твое, Василие, неложное, и чистота нескверна, Христа ради тело твое изнурил еси постом и бдением, и мразом и теплотою солнечною, и слотою, и дождевным облаком, и просветися лице твое, яко солнце, и ныне приходят к тебе Российстии народи и вси людие, прославляюще святое твое успение. Тем Христа Бога моли, да избавит ны от варварскаго пленения и междоусобныя брани, и мир мирови подаст, и душам нашим велию милость.
Кондак блаженному Василию, глас 4
Духом Божиим водим, преблаженне Василие, отрясл еси мирский мятеж, и жития треволнения возгнушался еси, и совлекся одеяний тленных, и облекся в ризу безстрастия,/ убежал еси ловления льстиваго миродержца, и был еси́ странен во твоем языце, и, паче земнаго богатства избрав богатство Небесное, увязлся еси венцем терпения. И ныне, преблаженне Василие, моли Христа Бога о творящих святую память твою, да зовем ти: радуйся, преблаженне Василие.
Молитва блаженному Василию
О, великий угодниче Христов, истинный друже и верный рабе Всетворца Господа Бога, преблаженне Василие! Услыши ны, многогрешныя, ныне воспевающия к тебе и призывающия имя твое святое, поми́луй ны, припадающия днесь к пречистому образу твоему, приими малое наше и недостойное сие моление, умилосердися над убожеством нашим, и молитвами твоими исцели всяк недуг и болезнь души и тела нашего грешнаго, и сподоби ны течение жизни сея невредимо от видимых и невидимых врагов безгрешно прейти, и христианскую кончину, непостыдну, мирну, безмятежну, и Небеснаго Царствия наследие получити со всеми святыми во веки веков. Аминь.
Величание блаженному Василию
Ублажаем тя, святый блаженный Василие, и чтим святую память твою, ты бо молиши о нас Христа Бога нашего.