Чтимая икона преподобного Романа Сладкопевца
Икона преподобного Романа Сладкопевца, покровителя певчих, преподнесена в дар храму певчими приходского (народного) хора по случаю 10-летия хора в 2023 году. Помимо самого святого Романа на ней изображены покровители храма – мученица Татиана и святитель Филарет Московский, а также сюжет явления Богородицы преподобному Роману.
День памяти: 14 октября
Тропарь преподобному Роману Сладкопевцу, глас 3
От юности житию равноангельному ревнуя, веру, смиренномудрие и терпение стяжав, преподобне Романе Сладкопевче, обитель Святаго Духа был еси, таже избранник Божия Матере явился еси, и от Нея милостивно сподобися дара славити Бога. Сего ради молися о нас, недостойных ученицех твоих, да воспоем с тобою сладкогласно славу нас ради Воплотившемуся Превечному Богу.
Кондак преподобному Роману Сладкопевцу, глас 8
Божественными добродетельми духа измлада украсився, Романе премудре, Церкви Христове пречестное украшение был еси: пением бо прекрасным украсив ю, блаженне. Тем молим тя: подаждь желающим Божественнаго дарования твоего, яко да вопием ти: радуйся, отче преблаженне, красото церковная.
Молитва преподобному Роману Сладкопевцу
О, преблаженне отче наш, Романе Сладкопевче! Призри от горния славы на нас, смиренных и немощных, твоея помощи и утешения просящих. Приникни к нам благосердием твоим и помози заповеди Господни непорочно сохраняти, веру православную крепко содержати, покаяние во гресех наших усердно Богу приносити. Научи нас, уневестившихся Христу, работати Ему со страхом и радоватися с трепетом. Избави нас от печали и уныния, отжени от нас гордость и славолюбие, да воспоем славу Божию, да восхощем токмо славы Небесныя. О, святый отче, всели в нас любовь нелицемерную к ближним, послушание безропотное начальником и страх Божий в сердца наша. Даруй познати сладость отречения воли своея, верой крепкой во благое Промышление Божие о спасении человека освяти души наша. Низпосли нам благословение от Господа, да понесем благое иго Христово в долготерпении до конца дней наших, да сподобимся с мудрыми девами внити во брачный чертог Жениха своего Небеснаго и купно со Ангелами воспевати славу величия Его, Отца, и Сына, и Святаго Духа во веки веков. Аминь.
Величание преподобному Роману Сладкопевцу
Ублажаем тя, преподобне отче Романе, и чтим святую память твою, наставниче монахов и собеседниче ангелов.