Чтимая икона Божией Матери “Прибавление ума”
В верхнем храме с левой стороны в большом киоте находится чтимая икона Божией Матери “Прибавление ума”. Перед образом преподаватели и в особенности учащиеся, студенты и школьники, молятся о даровании понимания предметов и наук.
День памяти: воскресенье после 28 августа
Тропарь Богородице перед Ее иконой “Прибавление ума”, глас 4
О, Преславная Мати Христа Бога нашего, благих Подателя, милостию Своею всю вселенную сохрани, даруй нам, рабом Твоим, премудрость и разум, светом Сына Твоего души наша просвети, едина Всепетая, от Херувим и Серафим славимая.
Кондак Богородице перед Ее иконой “Прибавление ума”, глас 2
Яко умом Христовым нас просвещающую, хвалим Тя, Пречистая Мати Господа, всю вселенную держащаго, Красоты мира видимаго и невидимаго, лучами Жизни нас озаряющая.
Молитва Богородице перед Ее иконой “Прибавление ума”
Богородице Пречистая, доме, Егоже созда Себе Премудрость Божия, даров духовных Подательнице, от мира к премирным ум наш возводящая и всех к познанию разума приводящая! Приими молебное пение от нас, недостойных раб Твоих, с верою и умилением покланяющихся пред пречистым образом Твоим. Умоли Сына Твоего и Бога нашего, да дарует властем нашим мудрость и силу, судиям правду и нелицеприятие, пастырем мудрость духовную, ревность и бдение о душах наших, наставником смиренномудрие, чадом послушание, всем же нам дух разума и благочестия, дух смирения и кротости, дух чистоты и правды. И ныне, всепетая, вселюбимая наша Мати, подай нам ума прибавление, умири, соедини во вражде и разделении сущия и положи им соуз любве неразрешимый, всех заблуждших от неразумия к свету истины Христовы обрати, страху Божию, воздержанию и трудолюбию научи, слово премудрости и душеполезное знание просящим даруй, осени нас вечною радостию, Херувимов светлейши и Серафимов честнейши сущая. Мы же, славная дела и многоразумную премудрость Божию в мире и жизни нашей видяще, устранимся земныя суеты и излишних житейских попечений, и ум и сердце наше на Небеса возведем, яко да Твоим заступлением и помощию славу, хвалу, благодарение и поклонение в Троице славимому Богу и всех Создателю возсылаем, ныне и присно, и во веки веков. Аминь.
Величание Богородице перед Ее иконой “Прибавление ума”
Величаем тя, Пресвятая Дево, Богоизбранная Отроковице, и чтим образ Твой святый, им же точиши исцеления всем, с верою притекающим.