Чтимая Державная икона Божией Матери

Икона Божией Матери «Державная» находится в верхнем храме с левой стороны у амвона. Она подарена храму удивительным образом. В год открытия храма было решено еженедельно служить акафист Богородице перед этой иконой, явленной в 1917 году в день отречения императора Николая II от престола. Купить подобный образ тогда было очень сложно, распространить информацию о жизни прихода – тоже. За день до первого акафиста в храм пришла женщина, которую ни до, ни после никто не видел, и пожертвовала список Державной иконы Божией Матери. Икона с тех пор пребывает в храме и очень дорога прихожанам.

День памяти: 15 марта

Тропарь Богородице перед Ее Державной иконой, глас 4

Града Сионска взыскующе, под Твой покров, Дево Чистая, днесь притекаем, и никтоже возможет на ны, яко несть град силен, аще не Сущаго Бога, и несть ина крепость, аще не милость Владычицы Девы.

Кондак Богородице перед Ее Державной иконой, глас 8

Взбранной Воеводе победительныя песни приносим, яко даровася нам Держава Твоя, и ничесоже устрашимся, не от мира бо спасение наше, но Превознесенныя Владычицы милосердием ограждаемся и тому днесь радуемся, яко прииде Заступница на стражу земли Своея.

Молитва Богородице перед Ее Державной иконой

О, Державная Владычице Пресвятая Богородице, на объятиях Своих держащая Содержащаго дланию всю вселенную Царя Небеснаго! Благодарим Тя за неизреченное милосердие Твое, яко благоволила еси явити нам, грешным, сию святую и чудотворную икону Твою во дни сии. Благодарим Тя, Заступнице, яко призрела еси с высоты святыя Своея на чад православных, и, яко солнце светлое, увеселяеши изнемогшия от печали очеса наша пресладостным зрением державного образа Твоего. О, Преблагословенная Матерь Божия, Державная Помощнице, Крепкая Заступнице, благодаряще Тя, со страхом и трепетом, я́ко раби непотребнии, мы припадаем, со умилением, с сокрушением сердечным, со слезами молим Тя: вкорени в сердца всех нас правду, мир и радость о Дусе Святе: водвори в стране нашей тишину, благоденствие, безмятежие, любовь друг ко другу нелицемерную! Державою Твоею всесильною поддержи нас, слабых, малодушных, немощных, унылых, подкрепи, возстави! Яко да под державою Твоею всегда храними, поем, величаем и славим Тя, Державную Заступницу рода христианского во веки веков. Аминь.

Величание Богородице перед Ее Державной иконой

Величаем Тя, Пресвятая Дево, Богоизбранная Отроковице, и чтим Державный образ святыни Твоея, имже подаеши велию милость всем, с верою к нему притекающим.

Ино Величание Богородице перед Ее Державной иконой

Достойно есть величати Тя, Богородице, земли Русския Царицу Небесную и людей православных Владычицу Державную.